රන්වන් මුවා

අතීතයේ බරණැස් නුවර රාජකීය උද්‍යානය ලබාගත් උයන්පල්ලෙකු දිනක් තම උද්‍යානයට ඇතුල් වුණු රන්වන් පැහැති අලංකාර මුවකු දුටුවා. උයනෙහි සක්මන් කළ මුවා උයන්පල්ලා දුටු සැනින් කලබල වී පැනගියා. රාජකීය උද්‍යානයේදී මෙම මුවා නැවත නැවත දකින්නට ලැබුනත්, ඒ සෑම විටම මුවා බියෙන් පැනගියා.

කල් ගත්වීමෙන් පසු, උයන්පල්ලාගෙන් තමන්ට හිරිහැරයක් නොමැති බව වටහාගත් මුවා උයනෙහි වැඩි වේලාවක් රැඳී සිටීමට පුරුදු උනා. දිනක් මල් හා පළතුරු රැගෙන මාළිගාවට ගිය උයන්පල්ලා රජු මුණ ගැසුනා. දිනක් මල් හා පළතුරු රැගෙන මාලිගයට ගිය උයන්පල්ලා රජු මුණ ගැසුනා.

“උද්‍යාන පාලක කෙසේද රාජකීය උද්‍යානයේ කටයුතු?” රජු විමසුවා.

“සියල්ල යහපත් රජතුමනි, ඉතා අලංකාර රන්වන් පැහැති මුවෙකු නිතරම උයනට පැමිණෙනවා, ස්වාමීනි” උයන්පල්ලා පැවසුවා.

“ඔබට ඒ අලංකාර මුවා මාලිගය වෙත ගෙන එන්නට හැකි ද?” රජු විමසුවා.

“මී පැණි ස්වල්පයක් දුනහොත් උපායෙන් මුවා රවටා මාලිගය වෙත ගෙන එන්නට මට හැකිය”, උයන්පල්ලා පැවසුවා.

භාජනයක් පුරවා මී පැණි උයන්පල්ලාට ලබාදෙන ලෙස රජු අණ කළා.  උයන් පල්ලා රැගෙන ගිය මී පැණි උද්‍යානයේ තණකොළ මත තැවරුවා.  සුපුරුදු පරිදි උද්‍යානයට පැමිණි මුවා මී පැණි වලින් වැසී ඇති රසවත් තණකොළ දැක, ඒවා කමින් උද්‍යානයේම රැඳී සිටියා. දින කීපයක් මෙසේ සිදුවීමෙන් පසු උයන්පල්ලා තම උපාය ක්රියාත්මක කළා.  ඔහු උද්‍යානයේ සිට මාලිගය දක්වා ඇති තණකොළ මත මී පැණි තැවරුවා.  උද්‍යානය වෙත පැමිණි මුවා රසවත් තණකොළ කමින් මාලිගය වෙත සෙමින් සෙමින් ඇවිද ගියා.

කිසිදා දැක නැති මෙම අලංකාර මුවා දෙස මිනිසුන් පුදුමයෙන් බලා සිටියා. තමා උගුලකට අසු වී ඇති බව දැනගන්නා විට උයන්පල්ලා විසින් පැන යා නොහැකි ලෙස මුවා සිර කර තිබුණා. රාජකීය සේවකයන්ගේ දැනුම්දීමෙන් පසුව මුවා නැරඹීමට රජු ද පැමිණියා.

සිර කර සිටින බියට පත් අලංකාර මුවා දුටු රජු පැමිණ සිටි පිරිසට මෙසේ පැවසුවා;

“අපි සැවොම දන්නා පරිදි මුවන් ඉතාමත් පරීක්ෂාකාරී සහ වේගවත් සතුන්. ස්වභාවයෙන්ම ඔවුන් මිනිසුන් ජීවත්වන ආසන්නයට පැමිණෙන්නේ නැහැ. නමුත් මේ සතා මිහිරි රසයෙන් යුත් තණකොළ බලාපොරොත්තුවෙන් මෙහි පැමිණියා. ඔහු කෑදරකම නිසා උගුලේ සිර වුණා. ඔබට සිතෙන්නේ නැද්ද මනුෂ්‍ය හැසිරීමත් මෙවැනි කියා? මිනිසුන් මුදල්, ප්‍රසිද්ධිය, රාගය සොයමින් භයානක මාර්ගවල ඇදී ගොස් විපතට පත් වෙනවා”.

“මෙම රන්වන් මුවා අපට කදිම පාඩමක් කියා දුන්නා. මේ අලංකාර සතා අයිති ඔහුගේ නිවස වන කැලයට. ඒ නිසා මම මේ මුවා නිදහස් කරනවා”, යයි පැවසූ රජු විසින් නිදහස් කළ මුවා වේගයෙන් දුවගොස් වනාන්තරය තුළ නොපෙනී ගියා.

නැවත කිසිදිනක රන්වන් පැහැති මුවා රාජකීය උද්‍යානයේ නම් කිසිවෙකුට දක්නට ලැබුණේ නැහැ. එකල ඒ නුවණැති රජතුමා නම් අපගේ උතුම් බෝධිසත්වයන් වහන්සේ මය.

සිංහලට පරිවර්තනය: චතුරිකා රාජපක්ෂ

About The Author

තලතා විජේරත්න

තලතා විජේරත්න මහත්මිය සිංහල ළමා කතා පොත් දෙකක කතුවරිය වේ. ඇය Queen of Sea සිංහල තුළින්, සෑම පුන් පොහොය දිනකම ඔබ වෙත බොදු කතාවක් රැගෙන එනවා. වසර විස්සකටත් වැඩි ඇගේ ගුරු සේවය නිසාම දරුවන් වෙනුවෙන් ගුණත්මක කතන්දර ලිවීමට වැඩි කැමැත්තක් දක්වනවා.

Leave a reply

Your email address will not be published. Required fields are marked *